Lavrov Rusiya-Ermənistan münasibətlərindən danışdı

“Ermənistan hazırda bir sıra problemlərlə üz-üzədir”.

Busaat.az TASS-a istinadən xəbər verir ki, bunu Rusiyanın xarici işlər naziri Sergey Lavrov deyib.

“Əminik ki, bütün çətinliklər müvəqqətidir və siyasi iradə olarsa, aradan qaldırıla bilər. Bu, Rusiya-Ermənistan münasibətlərinin sabit və sistemli inkişafıdır ki, bu da bizim dövlətlərimizin ümumi dəyərləri və ortaq mədəni kodu olan xalqlarının fundamental maraqlarına cavab verir. ABŞ və Aİ Rusiyadan fərqli olaraq, respublikada və ümumiyyətlə, Cənubi Qafqazda sülh və sabitlik bərqərar etməyə çalışmır. Onların vəzifəsi Moskvanı və digər regional gücləri sıxışdırıb çıxarmaqdır. Onlar Balkanlar, Yaxın Şərq və Ukraynadan sonra yeni gərginlik ocağı yaratmaq istəyirlər. Çətin vəziyyətdən çıxış yolu da var, bu, İrəvan, Bakı və Moskva arasında üçtərəfli sazişdir”.