Bu günədək humanitar yardım daşıyan 200-ə yaxın yük maşını Rəfah keçid məntəqəsindən Qəzza zolağı ərazisinə daxil olub.
Busaat.az xəbər verir ki, bu barədə xarici mətbuat məlumat yayıb.
“Bu gün ümumilikdə 39 yardım maşını Rəfah keçidi vasitəsilə sərhədi keçdi. 21 oktyabrdan etibarən Qəzza əhalisi üçün humanitar yardım daşıyan 196 yük maşını anklav ərazisinə daxil olub”, – məlumatda deyilir.
Bir müddət əvvəl Misir Qızıl Aypara Cəmiyyəti bildirmişdi ki, Əl-Ariş şəhərindəki beynəlxalq hava limanı Qəzza xalqı üçün “1400 ton humanitar yardımla 60 yük təyyarəsi qəbul edib.
Qeyd edək ki, bundan əvvəl Misir Xarici İşlər Nazirliyinin sözçüsü Əhməd Əbu Zeyd bildirib ki, İsrailin yaratdığı maneələr Qəzza zolağına humanitar yardımın çatdırılması prosesini çətinləşdirir.
Pəri Əlizadə,
Busaat.az
