“3+3” danışıqlarının məqsədi regional təhlükəsizlikdir - Cəlali

Tehranda “3+3” formatında keçiriləcək görüşün əsas məqsədi regional sabitliyin, sülhün və təhlükəsizliyin möhkəmləndirilməsi olacaq.

Busaat.az xəbər verir ki, bunu İranın Moskvadakı səfiri Qasım Cəlali deyib.

Bu gün Tehranda İran, Ermənistan, Rusiya, Azərbaycan və Türkiyə xarici işlər nazirlərinin görüşü keçirilir.

“Tehranın təşkil etdiyi nazirlər iclasının gündəmindəki əsas məsələ İranın qonşuluq siyasəti çərçivəsində regional sabitlik, sülh və təhlükəsizliyin möhkəmləndirilməsidir”, – Cəlali bildirib.

Səfir qeyd edib ki, söhbət region ölkələri arasında əməkdaşlıq, qarşılıqlı fəaliyyət və kənar oyunçuların müdaxilə etməməsi məsələlərindən gedir.

Pəri Əlizadə,
Busaat.az