“3+3” iclasının iştirakçıları Qəzzadakı vəziyyəti müzakirə etdilər

Tehranda keçirilən “3+3” iclasının iştirakçıları Qəzza zolağındakı vəziyyəti müzakirə ediblər.

Busaat.az xəbər verir ki, bu barədə yekun bəyanatda bildirilir.

“Azərbaycan, Ermənistan, İran, Rusiya və Türkiyə xarici işlər nazirləri də Qəzza zolağındakı vəziyyətlə bağlı fikir mübadiləsi aparıblar. Onlar günahsız insanların atəşə tutulmasının dərhal dayandırılmasının vacibliyini vurğulayıblar”, – bəyanatda deyilir.

Bundan əlavə, nazirlər regionda davamlı sülhün və iqtisadi inkişafın möhkəmləndirilməsi istiqamətində məsləhətləşmələri davam etdirmək barədə razılığa gəliblər.

Pəri Əlizadə,
Busaat.az