"ABŞ artıq Aİ müttəfiqi sayıla bilməz" - Borrel

“ABŞ prezidenti Donald Trampın Ukrayna nizamlanması üçün təklif etdiyi plana görə Avropa artıq Birləşmiş Ştatları müttəfiq hesab edə bilməz”.

Busaat.az xəbər verir ki, bu fikirləri Avropa İttifaqının (Aİ) keçmiş xarici işlər naziri Cozep Borrel bildirib.

“Ukraynanın nizamlanması üçün 28 bəndlik planla Trampın tabeliyində olan ABŞ artıq Avropanın müttəfiqi kimi görünə bilməz, o, öz təhlükəsizliyinə təsir edən məsələlərdə belə məsləhətləşmir”,-deyə o, qeyd edib.

Borrel hesab edir ki, Aİ Amerika siyasətindəki dəyişikliyi etiraf etməli və müvafiq şəkildə cavab verməlidir. O, əlavə edib ki, Trampa qarşı sakitləşdirmə siyasəti iflasa uğrayıb:

“Hərbi xərclər, rəqəmsal tənzimləmə, çoxmillətli vergilər və enerji təchizatı ilə bağlı tələblərinə güzəştlər heç bir nəticə verməyib”, – Borrel yazıb.

Xatırladaq ki, ötən həftə Vaşinqtonun Ukrayna nizamlanması üçün 28 bəndlik plan təklif etdiyi açıqlanıb. Bu plan Kiyevin Avropadakı tərəfdaşları arasında narazılıq yaradıb.

Yeganə