ABŞ Bolqarıstan, Macarıstan və Slovakiyadan qoşunlarının bir hissəsini çıxaracaq

Ukraynanın “Kyiv Post” nəşri NATO ölkələrindəki mənbələrə istinadən bildirir ki, Birləşmiş Ştatlar 2025-ci il dekabrın ortalarına qədər Bolqarıstan, Macarıstan və Slovakiyadakı qoşunlarının sayını azaltmağı planlaşdırır.

Busaat.az xəbər verir ki, nəşrin mənbələrinə görə, ixtisar “mülayim” olacaq.

Şərqi Avropada Amerika qoşunlarının sayının azaldılması 2026-cı ildə də davam edə bilər. “Kyiv Post” mənbələrinə görə, Vaşinqton hesab edir ki, Avropa orduları xüsusilə NATO öhdəlikləri çərçivəsində artan hərbi xərclərdən sonra özlərini müdafiə etmək iqtidarındadır.

Nəşr dəqiq olaraq nə qədər ABŞ əsgərinin Şərqi Avropa ölkələrindən çıxarılacağı və nə qədərinin bölgədə qalacağı barədə məlumat vermir.

Yeganə