ABŞ HƏMAS-ın maliyyə şəbəkəsinə qarşı sanksiyalar ELAN ETDİ

ABŞ  10 Həmas üzvünə və təşkilatının Qəzza, Sudan, Türkiyə, Əlcəzair və Qətərdəki maliyyə şəbəkəsinə qarşı sanksiyalar tətbiq edib.

Busaat.az xəbər verir ki, bu barədə xarici media məlumat yayıb.

ABŞ Maliyyə Nazirliyinin Xarici Aktivlərə Nəzarət İdarəsi Həmasın investisiya portfelini idarə edən üzvlərə, Qətərdə İran rejimi ilə yaxın əlaqələri olan maliyyə vasitəçisinə, Həmas-ın əsas komandirinə və Qəzzada yerləşən virtual valyuta mübadiləsinə qarşı sanksiyalar tətbiq etdiyini açıqlayıb.

ABŞ “uşaqlar da daxil olmaqla, İsrail əhalisini vəhşicəsinə qətlə yetirdikdən sonra HƏMAS-ın maliyyə mənbələrini təqib etmək üçün sürətli və qətiyyətli addımlar atır”, – deyə ABŞ-ın maliyyə naziri Janet Yellen bildirib.

“ABŞ-ın terrorizmin maliyyələşdirilməsinə qarşı effektiv mübarizədə uzun tarixi var və biz HƏMAS-a qarşı alətlərimizdən istifadə etməkdən çəkinməyəcəyik”, – Yellen qeyd edib.

Natiq Kərimli,
Busaat.az