ABŞ İsrailin cinayətlərində şərikdir - Xamenei
ABŞ İsrailin Qəzza zolağı xalqına qarşı cinayətlərində şərikdir.
Busaat.az xəbər verir ki, bu sözləri İslam İnqilabının lideri Ayətullah Seyid Əli Xamenei bildirib.
“İslam hökumətləri cinayətkarlar qarşısında passiv olmamalıdır. Qələbə şübhəsiz Fələstinə məxsusdur”, – Xamenei deyib.
“ABŞ açıq-aşkar cinayətkarların ortağıdır. Yəni ABŞ-ın əlləri çiyinlərinə qədər məzlumların, uşaqların, qadınların və s. qana bulanıb”, – o bildirib.
“Ancaq dəqiq olan odur ki, bütün bu qəddarlıq və cinayət son nəticədə puça çıxacaq və qələbə Fələstin xalqının olacaq”, – Xamenei vurğulayıb.
O qeyd edib ki, İsrailin cinayətlərinin miqyası və dərinliyi Amerikada, Avropada, müsəlman ölkələrində və dünyanın digər regionlarında ictimai şüuru sarsıdıb.
“Avropada özünü azadlıq və insan haqları müdafiəçiləri elan edənlər Fələstin tərəfdarı nümayişləri qadağan ediblər, lakin insanlar bu qadağalara məhəl qoymayaraq küçələrə axın edir”, – deyə o əlavə edib.
Natiq Kərimli,
Busaat.az
