“ABŞ-nin səyləri alqışlanmalıdır, lakin Rusiyanın maraqları nəzərə alınmadan...” - ŞƏRH
“Rusiyanın maraqları nəzərə alınmadan atılacaq hansısa addım ciddi səmərə verə bilməz”.
Bunu ABŞ-nin Ermənistan-Azərbaycan arasında sülhə nail olmaq səylərindən danışan politoloq Elşən Manafov Busaat.az-a açıqlamasında deyib.
O bildirib ki, münaqişə tərəfləri olan Ermənistan və Azərbaycan arasında sülh yaratmaq üçün Vaşinqtonda keçirilən görüş ABŞ-nin münaqişəyə baxışını özündə ehtiva edir:
“Vaşinqtonun münaqişə tərəfləri arasında vasitəçilik edərək sülhə nail olmaq istəməsi ABŞ-nin Cənubi Qafqaz regionunda nüfuz dairəsini genişləndirmək, məsələni Rusiyasız həll etmək istəyindən irəli gəlir. Rusiya Federasiyası prezidenti Vladimir Putinin mətbuat xidmətinin rəhbəri Peskov münaqişə tərəflərinə ünvanladığı bəyanatda 2020-ci ildə üçtərəfli sazişin Rusiya vasitəçiliyi ilə olduğunu xatırlatdı. Bu mesajla Rusiyanın vasitəçiliyi olmadan əldə olunan sülhün hüquqi sayılmayacağının mesajını verdi. Vaşinqtonun iki ölkə arasında sülh əldə olunmasında vasitəçilik etmək istəməsi alqışlanası haldır, lakin Rusiyanın maraqları nəzərə alınmadan atılacaq hansısa addım ciddi səmərə verə bilməz”.
Ələsgər / Busaat.az
