ABŞ Ukrayna ilə Əfqanıstanla olduğu kimi davrana bilər - ANALİZ
Vaşinqton gələcəkdə öz milli maraqlarını həyata keçirə, əvvəlki ABŞ administrasiyasının Əfqanıstanla bağlı əvvəllər etdiyi kimi Ukraynaya dəstəyi məhdudlaşdıra və öz qüvvələrini ölkədən çıxara bilər.
Busaat.az xəbər verir ki, bunu Atlantika Şurasının baş müşaviri Harlan Ullman öz rəyində bildirib.
“NATO və Avropa İttifaqı tərəfindən de-fakto qəbul edilən ABŞ-ın strategiyası Ukraynaya müdafiə və sağ qalmaq üçün kifayət qədər hərbi və qeyri-hərbi yardım verməkdir, lakin bu dəstək Rusiyanı Krımda və Donbasda nəzarət etdiyi ərazilərin hamısından və ya çoxundan qovmaq üçün kifayət deyil. “Patriot” raket batareyasının Ukraynaya təhvil verilməsi güclü siyasi siqnal olsa da, taktiki təsir minimal ola bilər” – deyə, analitik qeyd edib.
“Görünür, Ukraynaya və onun prezidenti Volodimir Zelenskiyə müharibəni bitirmək üçün şərtləri diktə etmək səlahiyyəti verilib. Lakin müəyyən mərhələdə ABŞ öz maraqlarından çıxış edəcək. ABŞ və NATO Ukraynanı dəstəkləməkdə qəti razılığa gəlsə də, müharibə qeyri-müəyyən müddətə davam edərsə, bu birlik davam edəcəkmi?” – deyə, analitik əlavə edib.
Ullmanın sözlərinə görə, Ukraynanın strategiyası yeni Rusiya ərazisini ələ keçirməkdir: “Kiyev bu məqsədə çatmaq üçün zahirən istənilən qiyməti ödəməyə hazırdır. Lakin qış yaxınlaşdıqca və təxminən bir il davam edən müharibənin xərcləri ağırlaşdıqca, şərait pisləşərsə və həm hərbi, həm də mülki təchizat tükənərsə, bu cürətkarlığın nə qədər davam edəcəyi bəlli deyil”.
Ullman bildirib ki, Ukraynada hərbi əməliyyatların uzadılması ən çox ehtimal olunan ssenaridir. Onun sözlərinə görə, Qərb Ukraynaya daha dəqiq silahların göndərilməsini sürətləndirməli və ona uzunmüddətli dəstəyi təmin etməlidir.
Busaat.az
