ABŞ və Keniya 100 milyon dollarlıq müdafiə sahəsində əməkdaşlıq sazişi imzaladı

ABŞ Keniya ilə regional təhlükəsizlik, terrorizm və zorakılıqla mübarizə üçün 100 milyon dollarlıq əməkdaşlıq müqaviləsi imzalayıb.

Busaat.az xəbər verir ki, bu barədə yerli mətbuat məlumat yayıb.

Bildirilib ki, ABŞ-nin müdafiə naziri Lloyd Ostin paytaxt Nayrobidə Keniya prezidenti Uilyam Ruto və müdafiə naziri Aden Bare Duale ilə ikitərəfli görüşlər keçirib.

Daha sonra iki ölkə arasında regional sabitlik və terrorla mübarizə mövzusunda 100 milyon dollarlıq əməkdaşlıq müqaviləsi imzalanıb.

Razılaşma ilə ABŞ və Keniya arasında strateji tərəfdaşlıq möhkəmləndi və “Əl-Şəbab” terror təşkilatına qarşı mübarizədə əməkdaşlıq qərarı verildi.

Afrika səfəri çərçivəsində Cibuti və Keniyada müxtəlif təmaslar edən Ostin nəhayət Anqolaya səfər edəcək.

O, hərbi sahədə, regional təhlükəsizlik və müdafiə sahələrində gələcək əməkdaşlıq məqsədi ilə təmaslar aparır.

Bundan əlavə, Ostin Nayrobi hökuməti ilə Haitiyə qoşun yerləşdirməyi planlaşdıran Keniyaya resurslar və dəstək vermək üçün razılaşdı.