Əfqanıstanda yerləşən ABŞ və NATO silahlı qüvvələri bu gündən etibarən ölkədən çəkilməyə başlayıb.
Busaat.az xarici KİV-ə istinadən xəbər verir ki, hələ də ölkədə olan, sayları 2500-3000 min civarındakı ABŞ hərbçiləri ilə 7000 NATO hərbi heyəti bu gündən etibarən mərhələli olaraq Əfqanıstanı tərk edəcək.
Qeyd edək ki, ABŞ Prezidenti Co Bayden aprelin 15-də mayın 1-dən etibarən bütün hərbi qüvvələrinin Əfqanısatandan çıxarılacağını açıqlamışdı.
Proses 11 sentyabra qədər yekunlaşacaq.
20 illik müharibə ABŞ-a 2 trilyon dollar başa gəlib. Bu ölkədə ABŞ-ın 2 min 442 hərbçisi ölüb, 20 min 666-sı yaralanıb.
NATO bu müddətdə 1144 hərbçi itirib.
