“Heç bir hədəf olmadan Qəzzanı ağır bombardman edən İsrailə açıq dəstək verən ABŞ Təl-Əviv rəhbərliyinin törətdiyi hərbi cinayətlərdə şərikdir”.
Busaat.az Tesnim Xəbər Agentliyinə istinadən xəbər verir ki, bu fikri İran prezidenti İbrahim Rəisi deyib.
Mənbənin sözlərinə görə, Rəisi səfər etdiyi Fars əyalətinin Rüstəm rayonunda ictimaiyyətə müraciət edib.
O, çıxışında İsrailin fələstinlilərə qarşı hücumlarında mülki yaşayış məntəqələrinin bombalandığını və uşaqların öldürüldüyünü bildirib.
“ABŞ və sionist rejimi dəstəkləyən ölkələr bilməlidirlər ki, Qəzzada törədilən bu hərbi cinayətlərdə şərikdirlər. Bunu etməyin. Fələstin xalqının tələb və müqavimətinin bu hərəkətlərlə bitəcəyini düşünürəm”, – Rəisi söyləyib.
İran Xarici İşlər Nazirliyinin sözçüsü Nasir Kənani X sosial media platformasında paylaşdığı mesajda ABŞ və Böyük Britaniyanın İsrailə dəstək məqsədilə Şərqi Aralıq dənizinə hərbi qüvvələri yerləşdirməsinə reaksiya verib.
O, İsrailin su, elektrik, yanacaq, dərman və qida axınının kəsildiyi Qəzzanı bombalamasını açıq şəkildə dəstəkləyən Vaşinqton və Londonun Tel-Əviv rəhbərliyinin törətdiyi hərbi cinayətlərə görə hüquqi və beynəlxalq məsuliyyət daşıdığını bildirib.
