ABŞ-nin vitse-prezidenti Kamala Harrisin Afrika turnesi Zambiya müxalifətinin lideri Fred Mmembe tərəfindən tənqid edilib.
Busaat.az xəbər verir ki, Kamala Harris Afrika səfəri zamanı Zambiyaya da gəlib və hindli babasının evində olub.
Harrisin Çin və Rusiyanın Afrikada artan təsirinə qarşı başlayacağı açıqlanan qitə turu afrikalılar tərəfindən gözlənildiyi kimi qarşılanmayıb.
Zambiya Sosialist Partiyasının lideri Mmembe deyib: “Patrice Lumumbanın qatilləri, Kvame Nkrumahı devirənlər, Nasiri öldürənlər, Müəmmər Qəddafini öldürənlər bu gün bizə demokratiya öyrətməyə gəlirlər. Afrikada bir çox hökuməti devirən, bütün dünyada dövlət çevrilişlərinə öncülük edən, liderlərimizi öldürən bir ölkə bu rekordla bizə demokratiya öyrədə bilməz”.
Mmembe vurğulayıb ki, ABŞ Afrikanın talan və əsarətinə əsaslanan sistemə sahib bir ölkədir və hələ də Afrikaya hörmət etmir.
