SOCAR “Azəriqaz” İB-nin “Açıq mikrofon” aksiyası həftəlik işinə Xaçmaz rayonundan başlayıb. Rayonun Ağçay kəndində təşkil olunan “Səyyar qəbul otağı”na qatılan vətəndaşlar eyni istəklə çıxış ediblər.
Bu barədə Busaat.az-a birliyin mətbuat xidmətindən bildirilib.
Mikrofon önünə çıxan sakinlər bütün kənd camaatı adından Ağçayın mavi yanacaqla təchiz edilməsini istəyiblər. Xaçmaz RQİİ-nin rəhbər şəxsləri ünvanlanan müraciətlə bağlı ətraflı məlumat verdikdən sonra Birliyin səlahiyyətləri çərçivəsində problemin həllinə nail olunacağını bildiriblər.
