Aİ Ermənistan-Azərbaycan sərhəd komissiyalarının Brüssel görüşünü konstruktiv qiymətləndirib

Avropa İttifaqı (Aİ) Noyabrın 3-də Brüsseldə keçirilən Ermənistan-Azərbaycan sərhəd komissiyalarının 3-cü iclasını konstruktiv qiymətləndirir.

Busaat.az xəbər verir ki, görüş Aİ-nin təşkilatçılığı ilə 3 Noyabr tarixində Brüsseldə keçirilib.

Bu görüş Aİ Şurasının prezidenti Şarl Mişel, Azərbaycan prezidenti İlham Əliyev və Ermənistan Baş naziri Nikol Paşinyan arasında keçirilən Brüssel görüşləri zamanı yüksək səviyyədə əldə olunmuş razılaşmalardan sonra baş tutub.

Qeyd edək ki, Aİ-nin məlumatında tərəflərin sərhədlə bağlı məsələlərin həlli, eləcə də bölgədə təhlükəsizliyin yaxşılaşdırılması üzərində işi davam etdirmək niyyətlərinin olduğu və bunun Aİ tərəfindən yüksək qiymətləndirildiyi qeyd olunub.

Busaat.az