Aİ fevralın 24-dək Rusiyaya qarşı yeni sanksiyalar tətbiq etməyi planlaşdırır - Von der Leyen
Avropa İttifaqı (Aİ) fevralın 24-dək Rusiyaya qarşı yeni sanksiyalar tətbiq etməyi planlaşdırır.
Busaat.az AFP-yə istinadən xəbər verir ki, bunu Avropa Komissiyasının rəhbəri Ursula fon der Leyen Kiyevə səfəri zamanı deyib.
“Biz G7 tərəfdaşlarımızla Rusiya neft məhsullarına yenidən qiymət həddi tətbiq edəcəyik və işğalın başlamasından düz bir il ötdükdən sonra fevralın 24-nə kimi 10-cu sanksiyalar paketini tətbiq etməyi planlaşdırırıq”, – Fon der Leyen qeyd edib.
Bundan əvvəl Ursula fon der Leyen əməkdaşlığın dərinləşdirilməsini müzakirə etmək üçün bir qrup Avropa komissarı ilə Kiyevə gəldiyini bildirib.
