Aİ Rusiya qazı ilə bağlı səlahiyyət verəcək
Avropa İttifaqı üzv ölkələrə Rusiya və Belarus şirkətlərinin onun qaz kəmərlərinə və maye qaz terminallarına çıxışını əngəlləmək hüququ vermək niyyətindədir.
Busaat.az Brüsselin qərar layihəsinə istinadən xəbər verir.
Sənəd layihəsində deyilir ki, Avropa İttifaqına üzv dövlətlər öz həyati təhlükəsizlik maraqlarını qorumaq üçün Rusiya və Belarus qaz operatorlarının infrastruktura çıxışını “qismən və ya əsaslandırıldığı təqdirdə tam məhdudlaşdırmaq” hüququna malik ola bilərlər.
Aİ-yə üzv dövlətlərin və Avropa Parlamentinin müzakirəçilərinin cümə günü qərarın ilkin mətnini təsdiqləyəcəyi gözlənilir.
