Avropa Komissiyasının sədri Von der Leyen Aİ-nin Rusiyaya qarşı 9-cu sanksiya paketinə hazırlaşdığını bildirib: “Əminəm ki, çox yaxında biz G7 və digər əsas tərəfdaşlarla Rusiya neftinə qlobal miqyasda ən aşağı dəyər tətbiq edəcəyik”.
Busaat.az xəbər verir ki, Avropa İttifaqı (Aİ) Komissiyasının sədri Ursula fon der Leyen səfərdə olduğu Finlandiyanın paytaxtı Helsinkidə Finlandiyanın
Baş naziri Sanna Marin, Estoniyanın Baş naziri Kaja Kallas və İsveç Baş nazirinin müavini Ebba Buş ilə birgə mətbuat konfransı keçirib.
Ukrayna xalqının Rusiyanın hücumları səbəbiylə qışı işıqsız keçirməyə məcbur olduğunu bildirən fon der Leyen, “Körpələr, onların valideynləri, nənə və babaları qaranlıqdadır və donurlar. Bu vəhşi hücumları şiddətlə qınayıram. Bunlar müharibə cinayətləridir” – deyə, bildirib.
“Mən bu gün elan edə bilərəm ki, biz 9-cu sanksiya paketi üzərində tam sürətlə işləyirik. Əminəm ki, çox yaxında biz G7 və digər əsas tərəfdaşlarla Rusiya neftinə qlobal miqyasda ən aşağı dəyər tətbiq edəcəyik” – deyə, diplomat əlkavə edib.
Busaat.az
