"Aİ Ukraynanın maraqlarına ziyan vurur" - Siyarto

“Avropa İttifaqı (Aİ) liderləri sülh üçün ciddi şanslar təqdim edən ABŞ-ın yeni planını qəbul etməkdən imtina edərək, Ukrayna və Avropanın özünün zərərinə hərəkət edirlər”.

Busaat.az xəbər verir ki, bunu Macarıstanın xarici işlər naziri Peter Siyarto deyib.

“Sülh sazişinə qarşı çıxan hər kəs əslində Avropaya qarşı hərəkət edir və mən əminəm ki, bu, Ukraynaya qarşıdır”, – XİN rəhbəri qeyd edib.

O, hesab edir ki, ABŞ-ın planı nəhayət Mərkəzi Avropaya sülh gətirmək üçün böyük fürsət təqdim edir:

“Amma biz onu da görürük ki, Brüssel və Avropa liderləri sülh planını qəbul etməkdə maraqlı deyillər.

Onlar nəinki bununla maraqlanmırlar, görünür, onlar artıq buna necə mane olmaq, onu necə sarsıtmaq, bu sülh planının qəbul edilməsini mümkünsüz etmək barədə düşünürlər”, – deyə Siyarto qeyd edib.

Nazir bildirib ki, Macarıstan ABŞ-ın yeni planını qeyd-şərtsiz dəstəkləyir və bütün Avropa siyasətçilərini Amerikanın təkliflərini də dəstəkləməyə çağırır.

Yeganə