İspaniya mətbuatının yazdığına görə, türkiyəli ulduz futbolçu Arda Güler əsas heyət uğrunda gedən mübarizədə Rodriqonu qabaqlayıb.
Busaat.az xəbər verir ki, AVRO 2024-də göstərdiyi performansla diqqətləri üzərinə cəmləyən oyunçu meydanda daha çox qala biləcəyini də sübut edir.
Bundan əlavə ötən ili heç də yaxşı keçirməyən Rodriqo Mbappenin transferindən sonra əvəzlənmək təhlükəsi ilə üzləşib. Arda Gülərin üstün performansı Rodriqonun narahatlığını daha da artıra bilər.
“Real”ın əsas heyətində yerini möhkəmləndirən Vinisius Junior və komandaya yeni qatılan Klian Mbappe ilə yanaşı 3-cü hücumçunun kim olacağı da sual altındadır.
Bu siyahıda Arda Gülər bir anda 3-cü, Rodriqo 4-cü, Brahim Diaz 5-ci, yeni transferlərdən olan Endrik isə 6-cı pillədə qərarlaşıb.
Bununla belə, Ançelottinin braziliyalı oyunçuya üstünlük verməyə davam edəcəyi düşünülsə də, Arda Gülər performans baxımından Rodriqonu üstələyib və ehtiyat oyunçular skamyasında ən azı birinci seçim olmağa layiq olduğunu təsdiqləyib.
19 yaşında AVRO-2024-də möcüzələr yaradanb Arda Gülerin “Real Madrid”ə vəd edəcəyi çox şey var.
Görünən odur ki, gələn mövsüm Real Madridi yarımmüdafiədə Tçouameni, Valverde, Bellinqam, qarşısında Arda Gülər və iki hücumçu Mbappe və Vinisiusdan ibarət əla hücum xətti ilə izləyəcəyik. Bununla belə, son qərarı Karlo Ancelotti verəcək.
