“Atılan uğurlu addımlar sayəsində biz buna nail olduq” - ŞƏRH

“İran XİN sözçüsünün açıqlamalarında müəyyən mənada münasibətlərin yoluna qoyulması üçün müsbət mesajlar göründü”.

Bunu İranın son zamanlar Cənubi Qafqaz regionunda baş verən hadisələrə səssiz qalması fonunda müsbət addımların ola biləcəyindən danışan politoloq İlyas Hüseynov Busaat.az-a açıqlamasında deyib.

O bildirib ki, Bakı-Tehran əlaqələri son dövrlər kifayət qədər ziddiyətlidir:

“Bu gərgin münasibətlərin aradan qaldırılması üçün bir sıra addımlar atılıb. Azərbaycan XİN rəhbəri ilə İranın Azərbaycandakı səfiri görüşüb və s. Əlavə olaraq son zamanlar İran XİN sözçüsünün açıqlamalarında müəyyən mənada münasibətlərin yoluna qoyulması üçün müsbət mesajlar göründü. Rəsmi Bakının atdığı uğurlu addımlar və əzmkar duruşu sayəsində biz buna nail olduq. Ümid edirik ki, İran hökuməti gələcəkdə Azərbaycanın atdığı addımlara qarşı çıxmayacaq, hədə dolu bəyanatlar səsləndirməyəcək. Çünki münasibətlərin gərginləşməsi ilk növbədə İranın özünə zərərdir. Əlavə olaraq isə münasibətlərin zidd olması regional təhlükəsizliyə zərbə vura bilər. Hədəli bəyanatlara cavab olaraq qarşı tərəfdən də addımlar atılır. Bu da korlanan münasibətlərin normallaşdırılması üçün yaranan vəziyyəti pisləşdirir”.

Ələsgər / Busaat.az