"Avropa daha çox səy göstərməlidir" - Leyen

“ABŞ və Ukrayna arasında Cenevrədə keçirilən danışıqlardan sonra münaqişəyə son qoymaq planının başlanğıc nöqtəsi ortaya çıxıb”.

Busaat.az xəbər verir ki, bu barədə Avropa Komissiyasının (AK) sədri Ursula fon der Leyen açıqlama verib.

“Ukrayna, ABŞ və biz avropalıların son bir neçə gündə Cenevrədə gördüyü işlər sayəsində indi bizim başlanğıc nöqtəmiz var”, – deyə o, Strasburqda Avropa Parlamentinin deputatları qarşısında fikirlərini bölüşüb.

Avropa Komissiyasının rəhbəri qeyd edib ki, Avropa daha çox səy göstərməlidir.

Xatırladaq ki, noyabrın 23-də ABŞ və Ukrayna nümayəndə heyətləri Cenevrədə danışıqlar aparıb. ABŞ dövlət katibi Marko Rubionun sözlərinə görə, görüş tərəflərin mümkün düzəlişləri müzakirə etməsi və kompromisə yaxınlaşması ilə nəticələnib.

Yeganə