"Avropa ilə bağlı məsələlər yalnız onun razılığı ilə həll edilməlidir" - Merts

Almaniya kansleri Fridrix Merts Birləşmiş Ştatların Ukraynadakı münaqişənin həllinə sadiq qalmasını dəstəklədiyini bildirib və bütün Avropa məsələlərini birbaşa Avropa ilə əlaqələndirməyin zəruriliyini vurğulayıb.

Busaat.az xəbər verir ki, Merts Bundestaqda hökumət bəyanatı verərkən qeyd etdi ki, Avropa piyon deyil, müstəqil oyunçudur və onun maraqları və dəyərləri danışıqlar prosesində nəzərə alınmalıdır.

O, vurğulayıb ki, müharibə mümkün qədər tez başa çatmalıdır, lakin Ukrayna və Avropa ölkələrinin iştirakı olmadan əldə edilən hər hansı razılaşma davamlı sülh nizamlanması üçün əsas təşkil edə bilməz.

O, Almaniyanın ehtiyaclara uyğun olaraq Ukraynaya dəstəyini davam etdirəcəyini və Rusiyanın dondurulmuş aktivlərindən bu məqsədlər üçün istifadə etmək niyyətində olduğunu təsdiqləyib.

Federal kansler Almaniyanın 2026-cı il büdcəsində Ukraynaya əhəmiyyətli dəstəyin daxil ediləcəyini, bu yaxınlarda onu 3 milyard avro artıraraq ümumi məbləğin 11,5 milyard avroya çatdırılacağını açıqlayıb. O, Ukraynanın azadlığını və müstəqilliyini nəzərə alan sülhə çağırıb.

Yeganə