Azərbaycanın avtomobil parkının təxminən 40 faizini köhnə nəqliyyat vasitələri təşkil edir.
Busaat.az xəbər verir ki, Xezerxeber.az-ın məlumatına görə, köhnə avtomobillərlə bağlı problemləri aradan qaldırmaq üçün onların utilizasiyası nəzərdə tutulub.
Mövzu ilə bağlı danışan nəqliyyat məsələləri üzrə ekspert Ərşad Hüseynov hesab edir ki, həmin avtomobillərin təkrar emalı üçün yeni istehsalat sahəsinin formalaşmasına da ehtiyac var.
Hazırda avtomobil parkında yaşı 10-dan az olan maşınların sayı 20 faiz civarındadır.
Ekspert qeyd edib ki, ictimai nəqliyyatda mobilliyin istənilən səviyyədə olmaması da minik avtomobillərinin idxalını artıran səbəblərdən biridir.
“Təmiz şəhər” ASC-dən isə bildirilib ki, artıq “Nəqliyyat vasitələrinin utilizasiyası fondu” yaradılıb və utilizasiya haqlarının toplanılmasına başlanıb.
Qanunvericiliyin digər aidiyyəti müddəaları isə sentyabrın 1-də qüvvəyə minəcək. Hazırda prosesin elektronlaşdırılması və utilizatorların qeydiyyatı ilə bağlı işlər davam etdirilir.
BAKU.WS
