ABŞ və Fransa arasında İranın nüvə silahına sahiblənməsinin qarşısını almaq səyləri müzakirə edilib.
Busaat.az xəbər verir ki, ABŞ prezidenti Coe Bayden və fransalı həmkarı Emmanuel Makron çərşənbə günü Nyu Yorkda görüş keçiriblər.
Bu barədə məlumatı rəsmi Ağ Ev yayıb.
“Görüşdə hər iki tərəf Ukraynaya dəstəyini bir daha təsdiq edib. İran və Çinlə bağlı məsələlər də müzakirə edilib”, – deyə Ağ Evdən bildirilib.
Məlumatda qeyd edilib ki, hər iki lider Ukraynanın Rusiya təcavüzünə qarşı müdafiəsini dəstəkləməyə davam edəcək.
Eyni zamanda, İranın nüvə silahına sahiblənməsinin qarşısını almaq və Hind-Sakit okeanı regionunda davam edən ABŞ-Fransa əməkdaşlığı, Çinin səbəb olduğu problemlər müzakirə edilib.
Busaat.az
