Beynəlxalq Cinayət Məhkəməsi Putinin həbsinə order verdi

Beynəlxalq Cinayət Məhkəməsi (İCC) dünən Rusiya prezidenti Vladimir Putinin Ukraynanı işğalı ilə bağlı həbs qərarı çıxarıb.

Busaat.az-ın Daily Mail-ə istinadən xəbərinə görə, ICC Putinin Ukraynada törətdilən hərbi cinayətlərə görə məsuliyyət daşıdığına qərar verib.

Hakimlər hesab ediblər ki, Rusiya hərbçiləri Ukraynanın işğal olunmuş ərazilərindən əhalinin qanunsuz deportasiyası və əhalinin Rusiya Federasiyasına köçürülməsi, ukraynalı uşaqlarına zərər vurması həyata keçiriblər.

İddiaya görə, hakimlər gizli həbs qərarı çıxarmağı düşünüblər, lakin qərara gəliblər ki, onun ictimaiyyətə açıqlanması növbəti cinayətlərin qarşısını almağa kömək edə bilər.

Qərardan sonra Ukraynadan açıqlama gəlib. Ukrayna prezidentliyi, “Bu qərar yalnız başlanğıcdır”, – deyib.

Rusiya isə məhkəmənin qərarını tanımadıqlarını bildirib. Rusiya Xarici İşlər Nazirliyinin bəyanatında deyilir: “Bu qərar bizim üçün heç bir əhəmiyyət kəsb etmir”.