"Beynəlxalq güclərə açıqladıq ki..." - Netanyahu

İsrailin baş naziri Benyamin Netanyahu bildirib ki, suveren dövlət olaraq İsrail təhlükəsizlik siyasətini və hansı xarici güclərlə əməkdaşlıq edəcəyini özü müəyyənləşdirəcək.

Busaat.az xəbər verir ki, bu barədə “Reuters” agentliyi məlumat yayıb.

Netanyahu Nazirlər Kabinetinin iclasının əvvəlində deyib: “Biz öz təhlükəsizliyimizə nəzarət edirik və beynəlxalq güclərə açıqladıq ki, hansı güclərin bizim üçün qəbuledilməz olduğuna İsrail özü qərar verəcək və biz belə fəaliyyət göstəririk.

Birləşmiş Ştatlar, əlbəttə ki, son günlərdə ən yüksək vəzifəli rəsmilərinin dediyi kimi, bununla razılaşır”.

Bundan əvvəl mətbuatda yayılan xəbərlərdə İsrailin Ankaranın Fələstinin HƏMAS qruplaşmasına dəstəyinə görə Qəzza zolağında türk qüvvələrinin yerləşdirilməsinə qarşı çıxdığı bildirilirdi.

Yeganə