BMT növbəti dəfə öz öhdəliklərini yerinə yetirə bilmədi - Ərdoğan

Sakitliyi təmin etmək səylərimiz bölgəyə təyyarədaşıyan gəmilərin göndərilməsi, Fələstinə yardımın kəsilməsi və Qəzzalıların kollektiv şəkildə cəzalandırılması kimi addımlarla pozulur.

Busaat.az xəbər verir ki, bu sözləri Türkiyə prezidenti Rəcəb Tayyib Ərdoğan İƏT-in İcraiyyə Komitəsinin növbədənkənar iclasında bildirib.

“Getdikcə səmərəsizləşən BMT Təhlükəsizlik Şurası növbəti dəfə öz öhdəliklərini yerinə yetirə bilmədi. İnsan hüquq və azadlıqlarını bu qədər müdafiə edən Qərb dövlətləri atəşə yağ tökməkdən başqa heç bir addım atmayıblar. Beynəlxalq media qərəzli və ikiüzlü nəşrləri ilə praktiki olaraq insan qırğınına haqq qazandırmaq yarışına qoşulub”, – deyə Ərdoğan qeyd edib.

Qeyd edək ki, ABŞ İsrailə dəstək üçün təyyarədaşıyan gəmilər göndərib.

Natiq Kərimli,
Busaat.az