"BMT Təhlükəsizlik Şurasında islahatlar aparılmalıdır" - Ərdoğan

Türkiyə prezidenti Rəcəb Tayyib Ərdoğan bildirib ki, sülh və təhlükəsizliyi qorumaq üçün BMT Təhlükəsizlik Şurasında islahatlar aparılmalıdır.

Busaat.az xəbər verir ki, onun sözlərinə görə,  BMT Təhlükəsizlik Şurası beynəlxalq təhlükəsizliyin və sülhün təmin edilməsinə cavabdeh orqandır.

“Beynəlxalq sülhün və təhlükəsizliyin qorunmasına cavabdeh olan BMT Təhlükəsizlik Şurasının bütün bəşəriyyətin qanuni gözləntilərini qarşılaya biləcək bir struktura çevrilməsi çox vacibdir”, – Ərdoğan deyib.

Türkiyə prezidenti həmçinin qeyd edib ki, humanitar böhranlar, aclıq, yoxsulluq, islamofobiya, terrorizm, müharibələr, iqlim dəyişikliyi kontekstində BMT-nin tarixi məsuliyyəti getdikcə daha çox əhəmiyyət kəsb edir. Ərdoğanın sözlərinə görə, dünya təşkilatı öz öhdəliklərini ancaq öz əsas dəyər və prinsiplərini daha qətiyyətlə qorumaqla yerinə yetirə bilər.

Yeganə