Boatenq “Bavariya” ilə Çempionlar Liqası oyununa getməyəcək

Alman müdafiəçi Jerom Boatenq “Bavariya” ilə Çempionlar Liqasının “Kopenhagen”lə oyununa getməyəcək. O, Münhen klubunun təlim-məşq bazasında fərdi proqram üzrə məşq edəcək.

Busaat.az xəbər verir ki, bu barədə Almaniyanın Sky Sport nəşri məlumat yayıb.

Mənbənin sözlərinə görə, Boatenq iştirak etdiyi “Bavariya”nın məşqində yaxşı təsir bağışlayıb. Futbolçu əla fiziki formadadır. Lakin müdafiəçinin tam matçlara hazır olub-olmadığını yaxın günlər göstərəcək. O, oktyabrın 5-i yenidən komandaya qoşula bilər.

Xatırladaq ki, Boatenq 2014-cü ildə Almaniya yığması ilə Braziliyada keçirilən dünya çempionatında qalib gələrək dünya çempionu olmuşdu. Alman müdafiəçi 2021-ci ildə “Bavariya”dan azad agent kimi “Lion”a keçib, onun üçün 10 il oynayıb, iki dəfə Çempionlar Liqasını qazanıb. 2022/2023 mövsümündə Boatenq “Lion”la Fransa Liqa 1-in səkkiz oyununda iştirak edib.