Böyük fəlakətlərə səbəb olmuş siyasi xəyanətkarlıq
-Müstəqilliyin ilk illərində baş vermiş cinayətləri unutmaq olmaz. Müstəqillikdən dörd ay sonra Xocalı soyqırımı törədildi. Ermənistan və Sovet ittifaqının 366-cı alayı hərbi cinayət törətdi. Dinc insanları qətlə yetirdi. Onların arasında uşaqlar, qocalar, qadınlar var idi. Xocalı soyqırımı bu gün dünya tərəfindən tanınır. Ondan çox ölkə bu soyqırımı rəsmən tanıyıbdır.
-Dövlətə və Azərbaycan xalqına qarşı törədilmiş xəyanətkarlıqdır. Müstəqilliyin ilk illərində faktiki olaraq hakimiyyətə gəlmiş və bu gəlişini rəsmiləşdirmək istəyən AXC-Müsavat cütlüyünün xəyanəti nəticəsində Şuşa və Laçın işğal altına düşdü. Faktiki olaraq hakimiyyət Xalq Cəbhəsi-Müsavatın əlinə keçdi. Onlar Şuşa və Laçını ermənilərə təhvil verərkən Bakıdakı hakimiyyəti yıxmaq istəmişdilər və buna nail oldular.Ondan bir ay keçəndən sonra hərbi çevriliş edərək, parlament binasını zəbt edərək hakimiyyəti devirdilər və qanunsuz olaraq hakimiyyətə gəldilər.Bu onların böyük xəyanətidir.
-Ulu öndər Heydər Əliyevin prinsipial mövqeyi nəticəsində ölkədə xəyanət siyasətinə son qoyuldu. 1993-cü ilin aprelində Kəlbəcəri düşmənə verəndən sonra AXC-Müsavat cütlüyü təşvişə və depressiyaya düşdü. Öz canlarını qurtarmaq üçün o vaxt məcbur olub Ulu öndərə müraciət etdilər ki, onları burada-Prezident Aparatının qarşısında asmasınlar. Azərbaycan xalqı bunlara bir il dözdü. Bir il ərzində torpaqlarımız əldən getdi.
-AXC-müsavat cütlüyü şəxsi ambisiyalar naminə dövlətin maraqlarını satan siyasi qüvvələrdir.
2003-cü ildə Azadlıq meydanında AXC-Müsavat cütlüyü hərbi çevriliş etmək istəmişlər, lakin xalq onları dəstəkləmədi. 2005-ci ildə Azərbaycanda “narıncı inqilab” təşkil etmək istəmişdilər. Başlarına narıncı bantlar bağlamışdılar. Narıncı çadırlar gətirilmişdi. Məqsədləri satqınları hakimiyyətə gətirmək və Qarabağı ermənilərə vermək idi.
-Bütün “narıncı inqilablar” xalqların və dövlətlərin tənəzzülü ilə bitmişdir.
Bu cür inqilabların nəticəsində ölkələr bərbad vəziyyətdədir,böhrandan çıxa bilmirlər.,atrtıq 15-17 ildir ki,hökm sürür. O ölkənin böhrandan çıxma ehtimalı çox aşağıdır.
Səkinə Ağayeva – Masallı şəhəri, fəal gənc
