
Britaniya Putin və Lavrovun qızlarına qarşı sanksiyalar tətbiq edib
Britaniya Rusiya prezidenti Vladimir Putin və xarici işlər naziri Sergey Lavrovun qızlarına qarşı sanksiyalar tətbiq edib.
Busaat.az bu barədə UNİAN-a istinadən xəbər verir.
Xüsusilə, Putin və Lavrovun qızlarına qarşı məhdudlaşdırıcı tədbirlər tətbiq edildiyindən Kremlin yaxın çevrəsinin də dəbdəbəli həyat tərzinin də bu gündən sanksiyalar obyektinə çevrildiyi bildirilir.
Ölkəyə giriş qadağası tətbiq edilir və Putinin qızları olan Yekaterina Tixonova və Mariy Vorontsova, həmçinin Lavrovun qızı Yekaterina Vinokurovanın aktivləri dondurulur.
Bu sanksiyaların tətbiqi Rusiyanın Ukraynaya qanunsuz müdaxiləsinə görə qlobal birliyin növbəti əlaməti kimi ABŞ-la razılaşdırılıb. Britaniya bu qərarları martın 25-də Lavrovun ögey qızı Polina Kovalevaya qarşı sanksiyalar tətbiq etməsindən sonra verib.
Həmçinin bildirilir ki, Britaniya və beynəlxalq tərəfdaşlar tərəfindən tətbiq edilən sanksiyalar Putinin müharibə aparmaq qabiliyyətinə dərin və dağıdıcı təsir göstərir. O cümlədən, 275 milyard funt-sterlinq (Rusiyanın valyuta ehtiyatlarının 60%-i) artıq dondurulub.
“Bizim görünməmiş sanksiyalar paketimiz elitaya və onların ailələrinə zərbə vurur, eyni zamanda Rusiya iqtisadiyyatının vəziyyətini Sovet İttifaqının süqutundan bəri Rusiyada görünməmiş səviyyəyə çatdırır. Amma biz daha çox iş görməliyik. G7 vasitəsilə biz tərəfdaşlarla işləyirik. Rusiyanın enerjidən istifadəsinə son qoymaq və Putinin Ukraynaya qanunsuz və əsassız işğalını maliyyələşdirmək qabiliyyətini daha da sarsıtmaq lazımdır.”- deyə Birlik və İnkişaf Məsələləri üzrə Dövlət Katibi Elizabeth Trussun bəyanatında bildirib.
Bundan əvvəl ABŞ-ın Rusiyanın bank sektoruna və Vladimir Putinin qızlarına təsir edən yeni sanksiyalar paketi tətbiq etdiyi bildirilirdi. Artıq Kreml ABŞ-ın hərəkətlərinə reaksiya verib.
Sərvinaz Hacalıyeva
Busaat.az























