ABŞ-ın Rusiyanın kibercinayətkarlar üçün sığınacaq olması ilə bağlı səsləndirdiyi iddialar yalan və məsuliyyətsizlikdən başqa bir şey deyil.
Busaat.az xəbər verir ki, bu sözləri Rusiyanın ABŞ-dakı səfiri Anatoli Antonov bildirib.
“Bu, ölkəmizə qarşı əsassız ittihamların növbəti nümunəsidir”, – səfir əlavə edib.
“ABŞ Maliyyə Nazirliyinin Rusiya vətəndaşlarına qarşı sanksiyalar tətbiq etməkdən başqa işi yoxdur. Bütün bunlar çox yöndəmsiz şəkildə edilir və heç bir arqument və sübut yoxdur. Rusiya həmişə vurğulayıb ki, kibercinayətkarlığa yalnız qarşılıqlı səylə qalib gəlmək olar. Rusiya kibertəhlükəsizlik məsələlərində əməkdaşlığa hazır olduğunu ABŞ-ın tələbi ilə ölkələrimizin kəşfiyyat orqanlarının böyük bir qruplaşmanın üzvlərini zərərsizləşdirmək üçün əməliyyat keçirərkən nümayiş etdirdi. Lakin Vaşinqton bu məsələlərlə bağlı Kreml-Ağ Ev dialoqunu dondurdu”, – səfir deyib.
“ABŞ Maliyyə Nazirliyinin Rusiyanın kibercinayətkarlar üçün sığınacaq olması ilə bağlı iddialarına gəlincə, bunlar yalan və məsuliyyətsizdir. Bütün bunlar Rusiyaya qarşı aparılan hibrid müharibənin ayrılmaz elementidir”, – Antonov əlavə edib.
Busaat.az
