Çində Covid-19-un Omicron alt variantı olan XBB-nin yaratdığı epidemiyada, iyun ayının əvvəlindən etibarən yoluxanların sayının həftədə 11 milyon ilə pik həddinə çatacağı gözlənilir.
Busaat.az xəbər verir ki, qərargahı Londonda yerləşən Airfinity sağlamlıq məlumat xidmətləri və təhlil şirkəti tərəfindən dərc edilən təhlildə, epidemiyanın ümumilikdə 112 milyon insana təsir edəcəyi təxmin edilir.
Qış aylarında 1 milyarddan çox insanın yoluxduğu epidemiya ilə müqayisədə yeni epidemiya dalğasının daha məhdud yayıldığı müşahidə olunur.
Arfinity epidemiyanın iyunun əvvəlində həftədə 11 milyon yoluxma ilə pik həddinə çatacağını proqnozlaşdırsa da, bu, bir müddət əvvəl çinli mütəxəssis Cong Nanshan tərəfindən irəli sürülən həftədə 65 milyon yoluxmanın beşdə biri hesab edilir.
Bildirilib ki, təxminlər arasındakı fərq Airfinity modelində heç bir xəstəlik əlaməti göstərməyən halların cəmə daxil edilməməsi ilə bağlı ola bilər.
Digər tərəfdən, şirkət bu infeksiya dalğasında 629 min ölüm olacağını proqnozlaşdırır. Şirkət qış aylarında böyük epidemiya dalğasında 1,3 milyondan 2,1 milyona qədər insanın öldüyünü təxmin edib.
Busaat.az
