Direktor müəllimlərin oturduğu sinfə “donuzxana” deyibmiş

Xəbər verdiyimiz kimi, paytaxtdakı 171 nömrəli tam orta məktəbin direktorunun müəllimlərə qarşı uyğunsuz davranışı və səs yazısı ilə bağlı Bakı Şəhəri üzrə Təhsil İdarəsi tərəfindən araşdırma aparılacaq.

Busaat.az oxu.az-a istinadən xəbər verir ki, məktəbin direktoru Zemfira Məsiyevanın müəllimlərlə kobud rəftarı ilə bağlı səsyazısı və şikayətlər ortaya çıxıb.

İngilis dili müəlliməsi Leyla Hüseynovanın sözlərinə görə, direktor müəllimləri əsassız ittihamlarla üz-üzə qoyub.

Onun sözlərinə görə, Z.Məsiyeva müəllimlərə qarşı davamlı şəkildə təhqiredici münasibət göstərir, iş mühitini dözülməz hala gətirir.

O qeyd edib ki, direktor müəllimlərin dərs otağında onları təhqir edərək videoya çəkib və “bura donuzxanadır” kimi ifadələr işlədib.