Böyük sursat çatışmazlığı təkcə Ukraynada deyil, bütün dünyada müşahidə olunur.
Busaat.az xəbər verir ki, bunu Ukraynanın baş naziri Denis Şmıqal Financial Times qəzetinə müsahibəsində bildirib .
Nazir deyib: “Təkcə Ukraynada deyil, bütün dünyada böyük sursat çatışmazlığı var. Biz başa düşürük ki, onları burada, Ukraynada istehsal etməliyik, çünki bütün dünyada ehtiyatlar tükənib. Bütün anbarlar boşdur”.
Şmıqal qeyd edib ki, Ukrayna Qərb ölkələrindən asılılığını azaltmaq üçün öz istehsalına başlamağa çalışır. Hazırda Kiyevin prioriteti ölkədə Amerika və Avropa müdafiə şirkətləri ilə birgə istehsallar təşkil etməkdir. Belə ki, “Ukroboronprom” konserni Almaniyanın “Rheinmetall” konserni ilə yeni zirehli maşınların istehsalı ilə yanaşı zədələnmiş “Leopard” tanklarının və digər zirehli texnikaların təmirini nəzərdə tutan müqavilə imzalayıb.
Onun sözlərinə görə, bu, Qərb müdafiə şirkətləri ilə imzalanmış 20 əməkdaşlıq və birgə istehsal müqaviləsindən 1-dir.
Natiq Kərimli,
Busaat.az
