Dünyanın yeni nizama ehtiyacı var, lakin ABŞ himayəsi altında deyil - Kreml

Kreml ABŞ prezidenti Co Baydenin dünyanın yeni nizama ehtiyacı olduğu barədə bəyanatını təsdiqləyir, lakin belə bir nizamın təkcə Vaşinqtonun himayəsi altında tikilə biləcəyi fikri ilə razılaşmır.

Busaat.az TASS-a istinadən xəbər verir ki, bu sözləri Rusiya prezidentinin mətbuat katibi Dmitri Peskov deyib.

“Biz Baydenlə tamamilə razıyıq. Bu, onun dedikləri ilə tamamilə razılaşdığımız nadir bir hadisədir. Həqiqətən, dünyanın yeni bir nizama ehtiyacı var, amma fərqli prinsiplərlə”, – Peskov bildirib.

“Qaydalara deyil, beynəlxalq hüquqa əsaslanan dünya nizamı olmalıdır. Bu, qarşılıqlı hörmətə, qarşılıqlı faydaya, bir-birinin daxili işlərinə qarışmamağa və sairə əsaslanmalıdır”, – Peskov qeyd edib.

“Cənab Bayden həmçinin bildirib ki, ABŞ belə bir nizam qurmağa qadirdir. Biz onun bəyanatının bu hissəsi ilə razı deyilik”, – diplomat əlavə edib.

Natiq Kərimli,
Busaat.az