İrəvandakı antikorrupsiya məhkəməsi səs-küylü dələduzluq işində əli olan iqtisadiyyat nazirinin keçmiş müavini Ani İspiryanı iki ay müddətinə ev dustaqlığına göndərib.
Busaat.az Ermənistan KİV-nə istinadən xəbər verir ki, qabaqlayıcı tədbirlə bağlı qərar bu gün səhər saatlarında elan edilib.
Ani İspiryan yanvarın 31-də iqtisadiyyat nazirinin müavini vəzifəsindən azad edilib.
Qeyd edək ki, Ermənistan Respublikasının İstintaq Komitəsi iqtisadiyyat nazirinin müavini Ani İspiryanın saxlanması barədə məlumat yayıb.
İdarənin mətbuat xidmətindən verilən məlumata görə, İqtisadiyyat Nazirliyinin vəzifəli şəxsləri qabaqcadan əlbir olaraq vəzifə səlahiyyətlərindən sui-istifadə ediblər. Xüsusən də “Dövlət investisiya proqramları üzrə bankın yaradılması” tenderinin bir hissəsi olaraq şirkətlərdən birinin rəhbəri ilə əlbir olub, onun rəqibinin iştirakına süni maneələr yaradıblar. Bu iş üzrə 6 nəfər saxlanılıb.Modern.az
