Elektrik avtomobili satışlarında rekord qırılıb
Qlobal miqyasda elektrik avtomobili satışları keçən il rekord həddə çataraq 17,1 milyona çatıb.
Böyük Britaniyada yerləşən “Rho Motion” araşdırma şirkəti tərəfindən açıqlanan 2024-cü il üçün elektrik avtomobili satışları ilə bağlı məlumata görə, elektrik avtomobili satışları 2023-cü illə müqayisədə keçən il qlobal miqyasda 25 faiz artıb.
Bu artımla qlobal miqyasda 2024-cü ildə 17,1 milyon elektrikli avtomobili satılıb.
Keçən il elektriklə işləyən avtomobil satışı 17,1 milyon olub ki, bunun da 11 milyonu Çində, 3 milyonu Avropada, 1,8 milyonu ABŞ və Kanada bazarlarında, 1,3 milyonu isə qalan regionlarda qeydiyyata alınıb.