Ərdoğan və Əliyev Azərbaycan-Rusiya-Ermənistan görüşünü müzakirə edib

 Türkiyə prezidenti Rəcəb Tayyib Ərdoğan ilə Azərbaycan prezidenti İlham Əliyev Soçidə həyata keçirilən Azərbaycan-Rusiya-Ermənistan görüşünü müzakirə edib.

Busaat.az xəbər verir ki, bu barədə Azərbaycan prezidenti bəyanat yayıb.

Bəyanatda bildirilib ki, Azərbaycan prezidenti İlham Əliyev Türkiyə prezidenti Rəcəb Tayyib Ərdoğana zəng edərək onu Türkiyənin yerli avtomobili olan “Togg”un təqdimatı münasibətilə təbrik edib və bunun Türkiyə sənayesinin yeni uğuru olduğunu bildirib.

Telefon danışığında Soçidə Rusiya prezidenti Vladimir Putin və Ermənistan Baş naziri Nikol Paşinyan ilə üçtərəfli görüş və imzalanan birgə bəyanat müzakirə edilib.

Ərdoğan və Əliyev Türkiyə-Azərbaycan arasında münasibətlərin müxtəlif aspektləri barədə də fikir mübadiləsi aparıb.

Busaat.az