Ərdoğanın açıqlamalarından sonra İstanbul birjası fəaliyyətini dayandırdı

İstanbul Fond Birjasında ticarətin avtomatik bağlanması sisteminin işə salınması ilə əlaqədar bir müddət iş dayandırılıb.

Busaat.az “Sözcü”yə istinadən xəbər verir ki, bu, BIST100 birjasının əsas indeksinin 5% ucuzlaşmasından sonra baş verib.

Ekspertlər birjanın fəaliyyətinin dayandırılmasını Türkiyə lideri Rəcəb Tayyib Ərdoğanın həmin gün parlamentdə İsrail əleyhinə səsləndirdiyi sərt bəyanatlarla əlaqələndirirlər.

Qeyd edək ki, Fələstin-İsrail münaqişəsinin gərginləşməsi ilə əlaqədar Türkiyə rəsmilərinin İsrailə planlaşdırılan bütün səfərləri ləğv edilib.

Telekanal bildirir ki, “panik əməliyyatlar” səbəbindən investor itkilərini minimuma endirmək üçün BIST100 indeksi 5-7% kəskin ucuzlaşdıqda birjada avtomatik bağlanma sistemi də işə düşür.

Vüsal Ömərov,
Busaat.az