Erməni xülyaları: “Vəziyyəti dərk edir, lakin inanmaq istəmirlər” - DEPUTAT

“Beynəlxalq hüquqla Qarabağın Azərbaycana aid olduğu təsdiqlənib”.

Bunu Ermənistan Helsinki Komitəsinin sədri Avetik İşxanyanın “Rusiya çox gözəl anlayır ki, Qarabağ Azərbaycanındırsa, sülhməramlılar Qarabağdan çıxarılacaq” sözlərinə münasibət bildirən Milli Məclisin deputatı Aqil Abbas Busaat.az-a açıqlamasında deyib.

Aqil Abbas bildirib ki, ermənilər vəziyyəti dərk edir, lakin inanmaq istəmir: “Boş bəyanatlarla təskinlik tapmağa çalışırlar. Bütün dünya Qarabağı Azərbaycanın torpağı kimi tanıyıb. Beynəlxalq hüquqla Qarabağın Azərbaycana aid olduğu təsdiqlənib. Məsələnin reallığını dərk etsələrdə inanmaq isəmirlər”.

Qarabağdakı müvəqqəti sülhməramlı missiyanın fəaliyyətinə toxunan deputat qeyd edib: “Sülhməramlılar Qarabağda müəyyən vəzifəni icra etməyə gəlib. Üç il sonra fəaliyyət müddəti bitəcək və Azərbaycandan çıxacaqlar. Azərbaycan Respublikasının vətəndaşlığını qəbul edən qalıb bizlə birgə yaşayacaq. İstəməyənin yolu hər zaman açıqdır, çıxıb gedə bilərlər”.

Ələsgər