“ABŞ administrasiyası və Konqresi Qəzza zolağında müharibəyə son qoymaq üçün İsrailə təzyiq göstərməlidir”.
Busaat.az VAFA agentliyinə istinadən xəbər verir ki, bunu Fələstin prezidentinin rəsmi nümayəndəsi Nabil Əbu Rudeyna deyib.
O, bildirib ki, ABŞ administrasiyası və Konqresinin Netanyahuya qarşı “Amerika həqiqətən də regionda sülh və sabitliyə nail olmaq istəyirsə, dərhal müharibəni dayandırmalıdır” deməsinin vaxtıdır.
“Müharibənin dayandırılması üçün Administrasiya və Konqresin fürsəti var. Amerika tərəfi başa düşməlidir ki, İsraili dəstəkləmək, onu silah və pulla təmin etmək, beynəlxalq legitimliyə qarşı çıxmaq ABŞ-ni Fələstin xalqına qarşı cinayətlərə görə məsuliyyətə cəlb edir”, – deyə Rudeyna qeyd edib.