Finlandiya Leopard 2 döyüş tankları göndərməklə Ukraynaya hərbi yardımını genişləndirə bilər.
Busaat.az xəbər verir ki, bu barədə ölkə prezidenti Sauli Niinisto bildirib.
Prezidentin sözlərinə görə, Ukrayna üçün birgə Avropa müdafiə yardımı paketi yaradılarsa, Finlandiya da töhfə verməyə hazırdır.
Ukraynaya göndəriləcək tankların sayı çox ola bilməz, çünki Finlandiya Rusiya ilə həmsərhəddir və NATO-nun bir hissəsi deyil. Finlandiyada təxminən 200 Leopard 2 əsas döyüş tankı var .
Almaniya istehsalı olan Leopard 2 tanklarının təkrar ixracına müəyyən məhdudiyyətlər qoyulub. Berlin indiyə qədər Kiyevə ağır alman zirehli texnikalarını göndərməkdən çəkinir.
Polşa prezidenti Anjey Duda daha əvvəl Varşavanın beynəlxalq koalisiyanın qurulması çərçivəsində Ukraynaya Leopard tanklarını təhvil verəcəyini bildirərək, artıq Polşada belə bir qərarın verildiyini bildirib.
Bununla belə, Almaniyanın özü hələ də Ukraynaya özünün “Leopard 2” tanklarını göndərməkdə tərəddüd edir və kansler Olaf Şolz bildirib ki, Almaniya bu cür addımları tərəfdaşlarla, ilk növbədə ABŞ-la yaxındanmüzakirə etməlidir.
Busaat.az
