Finlandiya xüsusi təyinatlı hərbçilərin sayını artıracaq

Finlandiya Silahlı Qüvvələri elit bölmələrdə şəxsi heyətin sayını artırmağı planlaşdırır.

Busaat.az xəbər verir ki, bu barədə “İltalehti” qəzeti yazır.

Nəşrin məlumatına görə, yaxın illərdə xüsusi təyinatlı birləşmələrdə hərbi qulluqçuların sayı artacaq, çünki kiçik komandirlər üçün əhəmiyyətli dərəcədə daha çox vəzifələr açılacaq. 60-80 namizəd seçiləcək.

Xüsusi təyinatlıların kəşfiyyat əməliyyatlarında iştirak etdiyi qeyd edilir. Zərurət yaranarsa, hərbi qulluqçular təkcə ölkə daxilində deyil, xaricdə də missiyaların yerinə yetirilməsi üçün göndərilə bilər. Xüsusilə, beynəlxalq əməliyyatlarda iştirak edə bilərlər.

Finlandiya Silahlı Qüvvələri təlimdə iştirak etmək üçün 30 yaşınadək hərbi xidmətini artıq başa vurmuş vətəndaşları cəlb edir. Təlim 12 ay davam edəcək və odlu silah hazırlığı, ilk tibbi yardım və paraşütlə tullanma təlimlərini əhatə edəcək.

İlk seçim tədbirləri 2026-cı ilin yanvarına planlaşdırılıb.

Yeganə