Fransa, mesajlaşma proqramında qeyri-qanuni məzmuna görə təhqiqat altında olan Teleйramın qurucusu Pavel Durovun səyahət qadağasını aradan qaldırıb.
Busaat.az xəbər verir ki, 41 yaşlı Rusiya əsilli sahibkar 2024-cü ildə Parisdə həbs edilib və platformanın cinayət fəaliyyətində iştirak etdiyi iddiası ilə Fransa hakimiyyəti tərəfindən rəsmi istintaq altındadır.
Əvvəlcə Fransadan çıxmasına qadağa qoyulan Durovun iyul ayında məhkəmə nəzarəti yumşaldıldı və ona Teleqramın yerləşdiyi Birləşmiş Ərəb Əmirliklərində hər dəfə maksimum iki həftə yaşamağa icazə verildi.
İndi səlahiyyətlilər onun səyahət qadağasını tamamilə aradan qaldırıblar və ondan daha cənubdakı Nitsa şəhərində polisə məlumat verməsi tələb olunmur.
Adının açıqlanmasını istəməyən ədliyyə mənbəsi AFP-yə deyib: “Son bir il ərzində Durov öz məhkəmə nəzarəti şərtlərinə tam əməl edib”.
Həm Fransa, həm də Rusiya pasportlarına sahib olan Durov qeyri-qanuni əməliyyatlara şərait yaradan onlayn platformanın idarə edilməsində, uşaqlara qarşı cinsi zorakılıq şəkillərinin yerləşdirilməsində və digər qeyri-qanuni məzmunda günahlandırılıb.
Yeganə
