Gürcüstan əcnəbilər üçün dövlət dili imtahanı tətbiq edəcək

Gürcüstan hökumətinin qərarı ilə Gürcüstanın təhsil sistemi tarixində ilk dəfə 2026-cı ildə dövlət dili imtahanı keçiriləcək.

Busaat.az xəbər verir ki, imtahana qeydiyyat noyabrın 24-də başlayacaq və dekabrın 1-də başa çatacaq. Bu barədə təhsil, elm və gənclər naziri Givi Mikanadze nazirlikdə keçirilən brifinqdə bildirib.

Givi Mikanadzenin sözlərinə görə, dünyanın əksər ölkələrində imtahanlar dövlət dilində aparılır və bundan sonra imtahan verənlər ölkə tərəfindən tanınan dil bilikləri sertifikatı alırlar.

Bu, xüsusilə əcnəbi tələbələr, dövlət qulluğunda işləmək hüququ olan əcnəbi vətəndaşlar, xaricdə yaşayan gürcülər və biznes sektorunda çalışan qeyri-gürcü dilli kadrlar üçün vacibdir.

Yeganə