Gürcüstan Ermənistana yeni səfir təyin edib

Tbilisi Dövlət Universitetinin keçmiş rektoru George Şarvaşidze Gürcüstanın Ermənistandakı səfiri təyin edilib.

Busaat.az xəbər verir ki, artıq bu münasibətlə Gürcüstanın baş naziri İrakli Qaribaşvili Şarvaşidze ilə görüşüb.

Gürcüstanın baş nazirinin mətbuat xidmətinin məlumatına görə, Gürcüstan hökumətinin başçısı diplomatı yeni vəzifəyə təyin olunması münasibətilə təbrik edib və ona gələcək işində uğurlar arzulayıb.

Görüş zamanı, Gürcüstan və Ermənistanı yaxın dostluq və qonşuluq münasibətlərinin bağladığı vurğulanıb, gələcəkdə də müxtəlif sahələrdə fəal əməkdaşlığın olacağına ümid ifadə olunub.