Hakan Fidan İsraili İTTİHAM ETDİ

Türkiyənin xarici işlər naziri Hakan Fidan bəyan edib ki, İsrail Qəzza ilə bağlı imzalanmış sazişə baxmayaraq, Zolağa lazımi humanitar yardımın çatdırılmasına mane olmaqda davam edir.

Busaat.az xəbər verir ki, Fidan Ankarada keçirdiyi mətbuat konfransında bildirib.

“Şarm əl-Şeyxdə imzalanan sənəd ən yüksək səviyyədə siyasi razılaşma idi. Bu, tarixi dönüş nöqtəsi oldu. Biz hazırda bir neçə cəbhədə eyni vaxtda işləyirik. Birincisi, atəşkəs rejiminin davam etdirilməsini təmin etmək və anlaşılmazlıqların qarşısını almaq üçün tərəflərlə danışıqlar aparılır.

Humanitar yardımın çatdırılmasını təmin etmək üçün səylər göstərilir. Bununla belə, təəssüflə qeyd etmək istəyirəm ki, İsrail lazımi humanitar yardımın axınına mane olmaqda davam edir”, – deyə Fidan qeyd edib.

Yeganə